«Мұғалжар» аудандық қоғамдық-саяси газеті

САНИТАРИЯЛЫҚ МАМАНДАР КЕҢЕС ӨТКІЗДІ

Мұғалжар ауданы әкімінің орынбасары Ғ.Қобландиннің қатысуымен Мұғалжар аудандық санитариялық-эпидемиологиялық бақылау басқармасында эпидемиологиялық мәселелерге арналған өндірістік кеңес отырысы өтті.

Аталған кеңеске ауданның санитариялық мамандары қатысып, жалпы иммунопрофилактика, соның ішінде туберкулин диагностика мен БЦЖ екпесін жүргізу бойынша жұмыстарымен таныстырды. Сондай-ақ балалар мен жасөспірімдер арасында туберкулез ауруының алдын алу мақсатында сауықтыру шараларының жүр-гізілуі де сөз болды. Ауданның бас санитариялық дәрігері Ерлан Мұратов аудан тұрғындарын тұмауға қарсы екпемен қамту бойынша, екпеден бас тартқандар мәселесі жөнінде, күйдіргі ауруының эпидемиологиялық жағдайы және онымен күресу жолдары туралы айтып өтті. Оның айтуынша, аудан бойынша 307 баланың ата-анасы  профилактикалық екпелерден бас тартқан. Ал аудан бойынша 8503 адам тұмауға қарсы екпемен қамтылған. Оның 6233-і ақысыз, 1985-і ақылы, 285-і жұмыс берушілер тарапынан егілген.
Шара соңында кеңес төрағасы Ғалым Қобландин балаларды профилактикалық екпемен қамтуды 95 пайызға дейін арттыруды, екпеден бас тартқан ата-аналармен түсіндірме жұмыстарын әрі қарай жүйелі жүргізуді тапсырды.

Н.ТІЛЕП

Ұқсас ақпараттар

Жыл қорытындысы: өңдеу өнеркәсібіндегі серпінді жобалар және Қазақстанда жаңа тауарлар өндірісін дамыту

admin_mugalzhar

Қазақстанда бала өлтіргендер өмір бойына бас бостандығынан айырылады

admin_mugalzhar

МӘДЕНИЕТ КҮНДЕРІ ӨТТІ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.