Ақтөбе облысында 2 мың жас «Жасыл ел» және «Атамекен» құрылыс жасақтарында еңбек етеді. Олардың еңбекақысы 120-130 мың теңге болады. Ақтөбе облыстық Табиғи ресурстар және табиғатты қорғау басқармасы арқылы 1200 жас орман шаруашылығына барады. Онда көгалдандыру жұмыстарын жасайды.
Ал 800-і абаттандыру және құрылыс саласына бағытталады. «Биыл жастардың жалақысы өсті. Былтыр100 мың теңге алса, биыл 120-130 мың теңге еңбекақы беріледі. Бұл жастардың жұмысына байланысты берілетін жалақы көлемі. Негізі 16-35 жас аралығындағы жастар еңбекке араласа алады. Мектеп оқушылары ата-анасының рұқсатын алуы тиіс. Жастардан жеке куәлік көшірмесе, 075 анықтамасы мен жұмыссыздығын растайтын құжат сұралады», — деді «Жасыл ел» жастар еңбек жасақтары және «Атамекен» студенттер отрядтары қоғамдық бірлестігінің төрағасы Нұржан Шаңғытбаев.
Қазіргі кезде жастардың алғашқы легі еңбегін бастап кетті. Жалпы 200-ден астам жас орман шаруашылығындағы жұмысқа тартылды. Ал 100-ден астамы қаланы абаттандыруға үлес қосып жүр.