«Мұғалжар» аудандық қоғамдық-саяси газеті

Жаңа оқу жылынан бастап 1-4 сынып оқушылары тегін тамақтанады

1 қыркүйектен бастап 1-4 сынып оқушылары тегін тамақпен қамтылатын болады, деп хабарлады turkystan.kz.

Мемлекет басшысының тапсырмасы бойынша, биыл қыркүйектің 1-інен бастап аз қамтылған отбасылардан шыққан 1,5 миллионнан астам оқушы, сондай-ақ әлеуметтік мәртебесіне қарамастан бастауыш сынып оқушылары үшін тегін тамақтандыруды ұйымдастыру жоспарлануда.

Оқу-ағарту министрлігі Балалардың құқықтарын қорғау комитетінің мәліметінше, Республика бойынша тегін тамақтану құны орта есеппен 577 теңгені құрайды, ең жоғары баға Алматы қаласында 800 теңгені құрайды.

«Алдыңғы жылдары 1-4 сынып оқушыларын тегін тамақпен қамту 56,6% құрады. Бұл Астана, Алматы және Шымкент қалаларының, Павлодар, Батыс Қазақстан, Қарағанды, Ұлытау, Қызылорда және Атырау облыстарының оқушылары. Мемлекет басшысының тапсырмасын орындау мақсатында қалған өңірлердің оқушыларын тегін тамақпен қамтамасыз ету бойынша жұмыстар жүргізілді. Осылайша жаңа оқу жылынан бастап 100% көрсеткішке қол жеткізілетін болады», – деп бөлісті Балалардың құқықтарын қорғау комитетінің басқарма басшысы Дана Мақтаева.

Айта кетейік, бүгінде министрлік мектептегі тамақтану сапасын арттыру мәселесін пысықтап жатыр.

Ұқсас ақпараттар

Коронавирустан кейін туберкулез өршіп кетуі мүмкін: Мамандар дабыл қақты

admin_mugalzhar

ҚАНДЫАҒАШ: АТҚАРЫЛҒАН ЖҰМЫСТАР ЖАЙЫНДА

admin_mugalzhar

САҒАШИЛІКТЕР ДЕ ТАҢДАУ ЖАСАУҒА БАРДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.