Ембі қалалық мәдени орталығында Қазақстан Республикасының «Мәдениет саласының үздігі», І дәрежелі «Еңбек даңқы» төсбелгілерінің иегері Нұржамал Шамуршанованың зейнетке шығуына орай салтанатты іс-шара өтті.
Шараға Мұғалжар ауданы әкімінің орынбасары Сансызбай Мұқанов, Мұғалжар аудандық мәдениет және тілдерді дамыту, дене шынықтыру және спорт бөлімінің басшысы Сәуле Хамзина, қала әкімі Райымбек Мұсағали арнайы барып, ізгі тілектерін білдіріп, құрмет көрсетті. Шара барысында Нұржамал Темірғалиқызының еңбек жолы мен жетістіктері айтылып, мәдени орталық қызметкерлері жиналған қонақтарға ән-шашуларын тарту етті.
А.МАНАСБАЕВА