Қазақтың көрнекті ақыны, журналист, аудармашы Ізтай Мәмбетовтың 95 жылдығы ауыл кітапханаларында аталып өтті.
Құмсай ауылдық кітапханасының қызметкерлері ақынның 95 жылдығына орай «Ізтайдың өшпес іздері» атты поэтикалық марафон өткізді. Аталған шараға мектеп оқушылары қатысты. Шараның мақсаты — ақынның шығармалары арқылы оқушылардың әдебиетке деген таным-біліктерін шыңдау, ой-өрісін арттыру. Шара барысында ақынның «Ырғыз жағасында», «Анама», «Жол ұзақ» өлендері оқылып, кітап көрмесі ұйымдастырылды.
Ал Егіндібұлақ ауылдық кітапханасында «Өлеңіндей өшпес ізді — Із-аға» атты әдеби батл өтті. Әдеби батл алаңында оқушылар ақынның «Қаракөздер», «Мәмбетовтер», «Мен туыппын ақпандатқан боранда» атты өлеңдерін оқыды. Өлең оқығандар арасында ерекше көзге түскен Әміржан Әзілхан мен Хан Есенбекке естелік сыйлықтар табысталды. Іс-шара соңында «Табанталдан шыққан талант» атты кітап көрмесі ұйымдастырылды. Сонымен бірге оқушылар ақынның жыр жинақтары «Тұңғыш», «Бақытты балалық», «Сыр», «Тарланбоз» шығармаларымен танысты.
ІЗТАЙ МӘМБЕТОВТЫҢ ШЫҒАРМАЛАРЫ НАСИХАТТАЛДЫ
