Бүгін Қандыағаш қаласындағы аудандық кітапханада «Мерейлі белестердің белсендісі» тақырыбында ауданның «Құрметті азаматы», мемлекеттік қызметтің ардагері Амангелді Шунимовпен рухани кездесу кеші өтті.
Аталған шараға ауданның «Құрметті азаматы», «Шапағат» жекеменшік ауруханасының бас дәрігері Аманжол Адаев, ардагерлер кеңесінің төрағасы Құрал Байсұлтанов, аудандық тарихи-өлкетану музейінің директоры Шәмшат Әбдірзақ, кітапхана қызметкерлері және колледж студенттері мен мектеп оқушылары қатысты.
Шара басында кеш жүргізушісі Амангүл Қарашбаева Амангелді Қалиұлының қысқаша өмірдерегіне тоқталып, оның қаламынан шыққан туындылары мен жарық көрген кітаптары туралы мағлұмат беріп өтті. Сонымен бірге Амангелді Шунимовтың кітаптары мен газет бетіне жарияланған мақалаларынан көрме ұйымдастырылды.