Соңғы жылдары ауданымызда алаяқтық қылмыстарының саны артып барады. Бүгінгі таңда кең таралып жатқан алаяқтықтың өте қауіптісі – ол интернет арқылы жасалатын алаяқтық.
Күн сайын ғаламтор немесе әлеуметтік желіде алаяқтықтың түрлі жолдары пайда болып, тұрғындарды сан соқтыруда. Сондықтан үнемі алаяқтықтың алдын алу жолдарымен халықты құлақтандырып отыру маңызды.
Осыған орай Мұғалжар ауданы әкімдігі, Мұғалжар аудандық прокуратурасы және Мұғалжар аудандық полиция бөлімі өкілдерімен алаяқтық қылмыстардың алдын алу бойынша халық көп шоғырланған жерлерде түсіндіру жұмыстары жүргізіліп, ақпараттық материалдар таратылды.
Кездесулерде арнайы топ өкілдері тұрғындарға, жеке кәсіпкерлерге алаяқтық қылмыстың алдын алу бойынша жан-жақты мәлімет беріп, толғандырған сауалдарына жауап берді.