Ембі қалалық мәдени орталығында 7 мамыр — Отан қорғаушы күні мерекесіне орай салтанатты іс-шара өтті.
Іс-шараға аудан әкімі Дархан Ермағанбетов және Ембі қаласының тұрғындары қатысты.
Аудан әкімі Дархан Жанысханұлы іс-шараға жиналғандарды мерекемен құттықтап, жылы лебізін білдірді. Аудан басшысы су тасқыны кезінде қызметіне адалдық танытқан ембіліктерді марапаттады. Сондай-ақ көктемнің қиын жағдайында көрсете білген төзімділігі мен шыдамдылығы үшін сын сағатта қызмет еткен азаматтарға алғысын білдірді.
Салтанатты жиын Ембі қалалық мәдени орталығы қызметкерлері дайындаған мерекелік патриоттық іс-шарамен жалғасты.