2024 жылғы 7 шілдеде Мұғалжар ауданы Қандыағаш қаласы әкімінің сайлауы өтті. Мұғалжар аудандық аумақтық сайлау комиссиясының 2024 жылғы 7 шілдедегі шешімі негізінде Аққайыр Қазбек Тулеуханұлы Мұғалжар ауданы Қандыағаш қаласының әкімі болып тіркелді.
Қазбек Тулеуханұлы 1986 жылы Талдысай ауылында дүниеге келген. Білімі жоғары. Алматы қаласындағы Қазақ ұлттық техникалық университетін бітірген. Еңбек жолын мұнай саласынан бастаған. 2008-2018 жылдары мұнай саласында әр түрлі басшылықта қызмет атқарған.
2018-2022 жылдары Талдысай ауылдық округінің әкімі, 2022-2023 жылдары Мұғалжар аудандық сәулет, қала құрылысы және құрылыс бөлімінің басшысы қызметін атқарды. Осы қызметке дейін Ақтөбе облысы әкімі аппаратының ақпараттық-талдау бөлімінің бас инспекторы болып еңбек етті.
Аудан басшысы жаңадан тағайындалған Қазбек Тулеуханұлының жұмысына сәттілік тілеп, бірқатар тапсырмалар жүктеді.