Аудан аумағында «Мал ұрысы» жедел алдын алу іс-шаралары өткізілуде. Аталған шара аясында сойылған етті өткізумен, малды және мал өнімдерін тасымалдаумен заңсыз айналысатын тұлғалар анықталуда.
Полиция қызметкерлері тұрғындармен мал ұрлығының алдын алу бойынша түсіндіру жұмыстарын жүргізуде. Тәртіп сақшылары халыққа жеке аулаларды нығайту бойынша ұсыныстарды еске салып, мал жаю ережелерін сақтаудың маңыздылығын еске салуда. Сондай-ақ Мұғалжар АПБ қызметкерлері аудан тұрғындарынан сақ болуды және малдарды қараусыз қалдырмау керектігін айтып, малдарын таңбалау мен сырға салу қажеттігін ескертуде.