Ауданда көктемгі тасқын судың алдын алу мен тұрғындардың қауіпсіздігін қамтамасыз ету жұмыстары қолға алынып жатыр. Сағашилі ауылына қарасты 14 үйі бар «Достық» мөлтек ауданы және сол жердегі кәсіпкерлік нысандарға жыл сайын көктемгі су тасқыны кезінде қауіп төндіретін болатын.
Бүгінгі таңда аталған аумақтағы қауіпті сейілту мақсатында арнайы техникалардың көмегімен ұзындығы 400 метр болатын суағар қазылды. Жалпы Еңбек ауылдық округі бойынша су басу қаупі бар елді мекендерді тасқын судың қатерінен қорғау үшін тиісті жұмыстар кестеге сәкес жүргізілуде.