Облыс орталығы Ақтөбе қаласында жүзу спортынан облыстық чемпионат өтті. Аталған жарысқа қатысқан кішкентай мұғалжарлық спортшы Балнұр Мырзамұрат чемпион атанды.
Ол 2015-2016 жылы туған қыздар арасында бәсекеге түсіп, үздік өнер көрсетіп, Мұғалжар БЖСМ-нің тарихында бассейн ашылғалы суда жүзуден облыстық чимпионаттың алғашқы чемпионы болды.
2023 жылдан бері су спортын серік еткен Балнұр Мырзамұратты Есенжол Ахмет жаттықтырады. Ол өз оқушысы Балнұрдың бұған дейін ауданаралық жарыстарға қатысып, жүлделі орындардан көрініп жүргенін айтты.
Жеңімпазды мектеп директоры Нұрсұлтан Иманғазин құттықтап, алдағы уақытта өтетін бәсекелі жарыстарда жеңіс тұғырынан түспеуіне тілектестігін білдірді.