«Біз қазір айтарлықтай қатаң ақша-несие мөлшерлемесін мәжбүрлі түрде ұстап отырмыз. Базалық мөлшерлеме 16,5% болған кезде ипотеканың пайыздық мөлшерлемесі 20% және одан да жоғары болатыны түсінікті. Мұндай мөлшерлемемен нарықтық ипотека рәсімдеу деген, меніңше, үлкен тәуекел.Біздің бәсекелестікті қолдайтынымыз сөзсіз. Бірақ ахуалға шынайы қарап, адал сөйлеуіміз керек. Қазіргі базалық мөлшерлеме тұрғанда нарықтық ипотека көтере алмайтын шоқпарды белге байлау деуге болады», – деді Ұлттық банк басшысы.
Сондықтан базалық мөлшерлеме түскенше мемлекеттік даму институттарының ипотека бағдарламаларына арқа сүйеуге кеңес берді. Оның айтуынша, «Наурыз», «Отбасы банк» сияқты мемлекеттік ипотекаларды пайдаланған абзалырақ болады.
Ұлттық банк төрағасы ипотека рәсімдеушілерге кеңес берді
