14-21 сәуір күндері Ташкент қаласында қол добынан орта Азия чемпионаты өтті.
Осы чемпионатта Ақтөбе қаласының «Елек» қол добы клубы өнер көрсетті. Команда сапында Қандыағаш қаласының мамандандырылған балалар-жасөспірімдер спорт мектебінің жаттықтырушылары Алмаз Кожамуратов, Әсет Қали, Ержан Кенжебаев және қандыағаштық Дархан Тоқтарбаев, Шоқан Сүйіндіков ойнап, «Елек» командасымен жүлделі ІІ орынды иеленді.
Жүлдегер атанған спорт мектебінің жаттықтырушыларын бүгін Қандыағаш қаласының мамандандырылған балалар-жасөспірімдер спорт мектебінің директоры Талғат Жұманбетов бастаған ұжым қызметкерлері және спорт мектебінің тәрбиеленушілері теміржол вокзалынан сән салтанатымен күтіп алды.