ҚАЙЫҢДЫ ЖӘНЕ ҚОПА АУЫЛДЫҚ ОКРУГТЕРІНІҢ 40-ТАН АСТАМ БІРІНШІ СЫНЫП ОҚУШЫЛАРЫН «КАЗГЕОРУД» КОМПАНИЯСЫ ЖАҢА ОҚУ ЖЫЛЫНДА СЫЙЛЫҚТАРМЕН ҚУАНТТЫ. КОМПАНИЯ ҮШІН ДӘСТҮРГЕ АЙНАЛҒАН БҰЛ ҮРДІС БІРНЕШЕ ЖЫЛДАН БЕРІ ЖАЛҒАСЫП КЕЛЕДІ.
«КазГеоруд» компаниясы 40-тан астам балаға оқу үшін қажетті құралдар салынған мектеп сөмкелерін табыс етті. Сондай-ақ кәсіпорында жұмыс істейтін көпбалалы отбасылар мен баласы биыл бірінші сыныпқа барған қызметкерлерге мектеп құралдары және ақшалай көмек көрсетілді. Бұл қолдау бірнеше балалары бар отбасылар үшін жаңа оқу жылының басында үлкен демеу болары сөзсіз.
— Мұндай шаралар — бір реттік бастама емес, «КазГеоруд» компаниясының қалыптасқан дәстүрі. Жыл сайын жақын маңдағы ауыл балаларына 1 қыркүйек пен Жаңа жыл мерекесіне орай сыйлықтар тарту етіп отырамыз. Бүгінде компанияның қолдауымен Қайыңды ауылында шағын футбол алаңы салынып, балабақшаға ойын алаңы орнатылды. Сондай-ақ Қайыңды мен Алтынды мектептері үшін спорттық жабдықтар сатып алып бердік, — деді компания өкілі.
«КАЗГЕОРУДТАН» БАЛАЛАРҒА – БАЗАРЛЫҚ
