ҚАНДЫАҒАШ ҚАЛАСЫ ӘКІМІНЕ ҮМІТКЕР НҰРСҰЛТАН ТАЙТАҚОВ ӨЗІНІҢ САЙЛАУШЫЛАРЫМЕН КЕЗДЕСІП, САЙЛАУАЛДЫ БАҒДАРЛАМАСЫМЕН ТАНЫСТЫРДЫ.
Ол Қандыағаш өнеркәсіптік — экономикалық колледжінде болып, оқу орнының ұжымымен кездесіп, сайлауалды бағдарламасымен таныстырып, Қандыағаш қаласындағы бірқатар мәселелерді шешу жолында жұмыстар жүргізетінін жеткізді. Сонымен бірге қаладағы инфрақұрлымдардың жұмысын жақсартуға, халыққа тиселі жерді пайдалану мүмкіндігін қамтамасыз етуге, коммуналдық қызметтің жұмыс аясын кеңітіп, уақытылы қоқыс қалдықтарын шығаруға, қалаішілік бағыттардағы автобустарды көбейтіп, қала тұрғындарының жол қатынасын реттеуді жолға қоятынын айтты.
— Мен бүгінде ауданның кәсіпкерлік саласында жұмыс жасаймын. Қала бойынша кәсіпкерлікті дамыту мақсатында кәсіпкерлерге қандай қолдау керек екенін білемін. Кәсіпкерлікті дамытуда елеулі жұмыстар атқаруды жоспарлап отырмын. Мені қала әкімі ретінде сайласаңыздар, қала тұрғындарының жайлы аулада, таза қалада, өмір сүрулеріне мүмкіндік жасаймын, — деді Нұрсұлтан Тайтақов.
Жиын соңында сайлаушылар үміткерге көкейлерінде жүрген сұрақтарын қойып, жауаптарын алып, қолдайтындарын жеткізді.
КӘСІПКЕРЛІКТІ ДАМЫТУҒА КӨҢІЛ БӨЛМЕК
