Аудан әкімдігінде «Жасанды интеллект арқылы мемлекеттік органдардағы жұмысты автоматтандыру, имиджді нығайту және дағдарысқа қарсы
коммуникациялар» тақырыбында мемлекеттік қызметшілер мен бюджет саласының мамандарына арналған жасанды интеллект негіздері бойынша семинар өтті.
Іс-шара мемлекеттік қызметте цифрлық технологияларды тиімді, қауіпсіз және жауапты қолдану мәдениетін қалыптастыруға бағытталды. Семинар барысында қатысушылар генеративті ЖИ мүмкіндіктерімен және оны мемлекеттік басқару үдерісінде қолданудың негізгі бағыттарымен танысты.
-Мемлекет басшысының Жарлығымен биылғы жыл Цифрландыру және жасанды интеллект жылы болып жарияланды. Осыған сәйкес аталған бағытта семинар өткізіліп отыр. Алдағы кезеңде жасанды интеллект саласында бірқатар ауқымды жұмыстар жүзеге асырылмақ, — деді семинарды жүргізген 24 kz. арнасының журналисті Гүлдана Кален.
Сонымен қатар семинарда ЖИ-ді қауіпсіз пайдалану, деректерді қорғау және этикалық қағидаларға ерекше мән берілгені айтылды. Қатысушыларға көрсетілетін қызметтердің сапасын, жұмыс барысында жеделдету мен ұйымдардың жалпы тиімділігін арттыруға мүмкіндік беретін маңызды технологиялар мен құралдар ұсынылды.