Халықаралық, облыстық байқауларда жүлдегер атанып жүрген қандыағаштық «Триумф» бишілер тобының есептік концерт берді, деп жазады Mugalzhar.kz тілшісі.
Көрермен назарына өнер ұжымының дайындаған түрлі бағыттағы билері ұсынылып, келген қонақтар ерекше сезімге бөленді.
Кіші, орта және үлкен топтар болып өнер көрсететін 30-ға жуық бишілер өзбек, ұйғыр, қазақ, үнді, ұлттық билері мен жастар биін билеп, өнерлерін ортаға салды.
Мерекелік кеште өнерлі ұжымның бірнеше жыл бұрын бітіріп кеткен түлектері де өнер көрсетті.
Кеш соңында «Триумф» бишілер тобының жетекшісі С. Сейловаға аудандық мәдениет бөлімінің басшысы С. Хамзина ризашылығын білдіріп, Алғыс хатпен марапаттады.