ПРАЙМЕРИЗ: 26 ҮМІТКЕР ТІРКЕЛДІ

0
309

“Nur Otan” партиясы- ның праймеризі 17 тамызда басталып, 3 қазанға дейін жалғасады. Праймериз өткізу жоспа- рына сай қазіргі таңда партиялық кадрлық резервке үміткерлерді тіркеу жұмыстары жалғасуда. Тіркеудің соңғы күні – 28 тамыз.

Бүгінгі күнге ауданда 29 адам кадрлық резервке өтуге өтініш беріп, 26 адам үміткер есебінде тіркелді. Үміткерлер әр сала өкілдері, атап айтсақ: кәсіпкерлер, теміржол қызметкерлері, білім, денсаулық саласы және мұнайшылар. Тіркеу аяқталған соң, кандидаттар өздерінің бағдарламаларын дайындап, үгіт-насихат жұмыстарын жүргізуге қадам басады. Айта кету керек, үгіт-насихат жұмыстарына дайындық 28 тамыз бен 6 қыркүйек аралығында жүргізіледі. Сонымен қатар тіркелген кандидаттардың барлығымен қосымша онлайн вебинар өткізу жоспарла нып, осы вебинарда Праймериздің қыр-сыры толық түсіндірілетін болады.

“МҰҒАЛЖАР-АҚПАРАТ”.