БАЛЫҚ ШАРУАШЫЛЫҒЫН ДАМЫТУДА

0
313

«Ісқақ-Әулие» шаруа қожалығы Мұғалжар ауылыдқ округінде орналасқан. Мал шаруашылығымен қатар балық шаруашылығымен де белсенді айналысуда. «Ісқақ-Әулие» шаруа қожалығы аудан бойынша балық шаруашылығын дамыту мақсатында «Айталы» су айдынын бекітіп беру конкурсына қатысып, женімпаз атанды.

Бүгінгі таңда «Ісқақ-Әулие» шаруа қожалығы осы су айдынына жыл сайын 34,0 мың шабақ балықтарын жіберіп тұрады. Балық шаруашылығын дамытуға қажетті арнайы құрал-жабдықтармен қамтылған. Бүгінгі күні балық өнімдерімен Ақтөбе, Қандыағаш қалаларын қамтамасыз етуге өз үлестерін қосып отыр. Шаруа қожалықта 12 адам жұмыс істейді.

Шаруа қожалығының басшысы Б.Сәрсембаевтың мақсаты «Айталы» су айдынында балық шаруашылығын жүргізумен қатар, сол аумақты демалыс орнына айналдыру болып отыр. Казіргі таңда терек, қарағай талдары және жеміс-жидек ағаштары отырғызылып, тұрғын үй-құрылыс жұмыстарын жүргізу жоспарланған.