«Мұғалжар» аудандық қоғамдық-саяси газеті

Қазақстанда қай өңір тұрғындарының табысы жоғары екені анықталды

Қазақстан халқының табысы бір жылда шамамен 11 пайызға өсті. Бұл туралы статистикалық деректерді finprom.kz жариялады.

Басылымның хабарлауынша, 2021 жылдың төртінші тоқсанындағы кірістер жан басына шаққанда 214,5 мың теңгені құрады. Бұл бір жыл бұрынғыдан 10,6%-ға артық. Айта кетейік, бұл кезеңде жылдық инфляция деңгейі 8,7%-ды құрады.

Салыстырмалы түрде қарайтын болсақ, 2020 жылдың осы кезеңінде жан басына шаққандағы ақшалай табыс орташа есеппен тоқсанына 193,8 мың теңгені, жылына қосымша 8,8%-ды құрады.

Өңірлік тұрғыда ең көп кірістер елордада тіркелді. Нақтырақ айтқанда, 2021 жылдың төртінші тоқсанында жан басына шаққанда 307,6 мың теңге болды. Бұл бір жыл бұрынғыдан 16,6%-ға артық.

Екінші орында Қарағанды ​​облысы — 288,2 мың теңге, +17,8%. Үздік үштікте Қостанай облысы да бар — 265,1 мың теңге, жылдық өсім – 18,8%-ды құрады.

Ең төменгі кірістер Түркістан облысында белгіленді. Өңірде төртінші тоқсанда жан басына 132 мың теңге ғана кіріс болды. Бұл республикалық көрсеткіштен 38,4%-ға аз.

Халық табысының көп бөлігін дәстүрлі түрде еңбек қызметінен алған кірістер құрады: Қазақстан Республикасында орта есеппен – 150,2 мың теңге, жылдық өсім жылына 14,2%. Оның ішінде 130,5 мың теңгесі – жұмыспен қамтудан, 19,8 мың теңгесі – өзін-өзі жұмыспен қамтудан түскен табыстар.

Өз кезегінде, 2021 жылдың төртінші тоқсанында әлеуметтік аударымдар былтырғымен салыстырғанда 2,7%-ға өсіп, 54,1 мың теңгені құрады. Оның ішінде зейнетақы – 45 мың теңге, жәрдемақы – 7,9 мың теңге, шәкіртақы – 1,2 мың теңге.

Туыстары мен жақындарынан алынған материалдық көмек түріндегі, сондай-ақ алимент түріндегі табыс бір жылда 3,2 пайызға өсіп, 4,9 мың теңгені құрады.

baq.kz

Ұқсас ақпараттар

КӨТЕРМЕ ЖОЛ ҚАЛПЫНА КЕЛТІРІЛУДЕ

admin_mugalzhar

Президент сайлауының барысын қадағалайтын 43 байқаушы аккредиттелді

admin_mugalzhar

ЕЛАМАН — «АҚТӨБЕ БАРЫСЫ» АТАНДЫ

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.