Теңге күніне арналып Жем қалалық кітапханасында «Мемлекеттік валюта — теңге» тақырыбында тарихи экскурсия ұйымдастырылды.
Іс-шараға Жем қаласының №3 «Аула клубының» мүшелері қатысты. Ақшаның пайда болу тарихы, өз ұлттық теңгеміздің айналымға кіруі мен кімдер жасағаны туралы мағлұмат беру мақсатындағы шарада кітапханашы Н.Лемежис кітап көрмесіне библиографиялық шолу жасап, Отан, Қазақстан, теңге туралы викториналық ойындар ұйымдастырды. Шақырылған қолөнер үйірмесінің мұғалімі С.Адилова балаларға еліміздің валютасы туралы қызықты деректер айтып берді. Кітапхана ның оқырмандары, оқушылар А.Абдулла, А.Мүсірова, М.Самсонова теңге туралы өлеңдер оқыды.
«МҰҒАЛЖАР-АҚПАРАТ»