Аудан әкімі Дархан Ермағанбетовтың төрағалығымен ауданда жарияланған төтенше жағдайға байланысты аудандық штабтың кезекті отырысы өтті.
Штаб отырысында аудандағы көктемгі су тасқыны кезінде орын алған келеңсіздіктер, еріген қар суының салдарынан зардап шеккен тұрғындардың жағдайы, оларға көрсетілетін көмектер мен қалыпқа келтірілетін және жаңадан салынатын тұрғын үйлер туралы мәселелер көтерілді.
Бүгінгі күнге аудандық бюджеттен су тасқынынан зардап шеккен отбасыларға өмірдің қиын жағдайына тап болуына байланысты 63 тұрғынға 396 200 тг көлемінде 24 960 600 тг әлеуметтік төлем аударылып отыр.