ҰЯЛЫ ТЕЛЕФОННЫҢ ПАЙДА БОЛУЫ — АДАМЗАТТЫҢ СОҢҒЫ ЖАРТЫ ҒАСЫРДА ЖЕТКЕН КЕРЕМЕТ ЖЕТІСТІКТЕРІНІҢ БІРІ. БҰҒАН ДЕЙІНГІ ӨНЕР ТАБЫСТАР БІЗДІҢ ТҰРМЫСЫМЫЗҒА ДӘЛ БҰЛАЙ ҚАТТЫ ӘСЕР ЕТЕ АЛМАҒАН ЖӘНЕ ЖЫЛДАМ ТАРАМАҒАН. ЕНДЕШЕ, ӨМІРІМІЗДІҢ БІР БӨЛШЕГІНЕ АЙНАЛҒАН ҒАЖАЙЫП ӨНЕРТАБЫС — СМАРТФОН ТУРАЛЫ ҚЫЗЫҚТЫ ДЕРЕКТІ ҰСЫНАМЫЗ.
1.«Смартфон» термині тұңғыш рет Ericsson компаниясының 2000 жылы Ericsson R380s жаңа телефонын жарнамалау кезінде шыққан. Құрылғы Symbian OS v5.1 басқаруында жұмыс істеді және ашып-жабылатын қақпағы бар монохром сенсор экраны болған.
2.Қазіргі заманның қайсыбір смартфонның, оның ішінде сіздің смартфоныңыздың мүмкіндігі NASA-ның «Аполлон» бағдарламасының аясында адамды Ай бетіне қондыруға қатысты есептеулері мен басқаруына қажетті мүмкіндігі бар барлық компьютердің қуатынан асып түседі.
3.Жапонияда телефондардың 90 пайызы су өтпейтін корпусымен шығады, себебі жапон жастары жуыну бөлмесіне кірерде де ұялы телефонын тастамайды.
4.Ұялы телефонды жоғалтып аламын деп немесе байланыстан үзілемін деп қорқу «номофобия» деп аталады. Бұл термин 2010 жылы қолданушылардың ұялы байланысқа деген әдеттеріне арналған зерттеуде пайда болды. Сауалнамаға қатысқандардың жартысына жуығы ұялы телефонын жоғалтса, қуаты біте бастаса немесе баланста қаражат жоқ болса, тіпті болмаса байланысқа шықпай тұрса, уайымдайтынын мойындаған.
5.Әлемде ең табысты телефон — Nokia 1101. 2003 жылы шыққан сәттен бастап 250 миллион құрылғы сатылды, бұл ұялы телефондар ішінде ғана емес, жалпы электронды гаджеттер арасында да рекорд саналады. Қазіргі таңда бұл модель өндірілмейді.
6.2013 жылы БҰҰ-ның жарияланған баяндамасына сәйкес, ұялы телефонды қолданушылардың саны дәретханасы бар адамдарға қарағанда көбірек екен. Әлемдегі сегіз миллиардтан астам адамның 7 миллиарды ұялы телефон ұстайды, тек 5 миллиард адам ғана санитарлық-гигиеналық жағдайда өмір сүреді.
7.Ұялы телефон лақтыру – Финляндия, Бельгия және басқа да көптеген елдерде танымал спорт түрі болып табылады. 2014 жылы осы спорт түрі бойынша өткен кезекті әлем чемпионатында жаңа әлемдік рекорд орнатылды. Онда қатысушы телефонын 110,42 метр қашықтыққа лақтырып, әлемдік рекорд жасады.
Дайындаған Н.АБАТ