«Мұғалжар» аудандық қоғамдық-саяси газеті

ВЕТЕРИНАРИЯ САЛАСЫНЫҢ ҚЫЗМЕТКЕРЛЕРІН ҚҰТТЫҚТАДЫ

Өткен жылы елімізде алғаш рет бекітілген Ветеринария қызметкерлерінің күніне орай бүгін аудан орталығында ветеринария саласының мамандарына арналған салтанатты жиын өтті.
Мерекелік шараға аудан әкімі Дархан Ермағанбетов қатысып, сала қызметкерлерін кәсіби мерекелерімен құттықтады.


Құрметті ветеринария саласының қызметкерлері! Ветеринар күні – бұл аса жауапты әрі күрделі мамандықты таңдаған жандарға деген шынайы ризашылықтың белгісі. Сіздердің адал қызметтеріңіздің арқасында саланың абыройы мен қоғамдағы рөлі артып келеді. Баршаңызға мықты денсаулық, еңбекте табыс, отбасыларыңызға амандық тілеймін. Кәсіби мерекелеріңіз құтты болсын, — деді аудан басшысы.
Салтанатты шара барысында ветеринария саласының бірқатар үздік мамандары марапатқа ие болды. Олардың қатарында Мұғалжар аудандық аумақтық инспекция басшысы Дәурен Жақсығали, инспекцияның бас маманы Абат Каналин, ветеринариялық дәрігер Гүлсім Иманғалиева, облыстық ветеринария басқармасының аудан бойынша өкілі Динагүл Нусбек, аудандық ветеринария бөлімінің басшысы Бауыржан Тлеулин, бас есепші Мақсатқали Исабала, Құмсай ауылдық округі ветеринариялық пунктінің меңгерушісі Ардақ Айнабекова, Ембі қаласының ветфельдшері Асия Кульжанова, Құмжарған ауылдық округінің ветеринариялық пункт меңгерушісі Бақытқали Назарқұлов бар.
Марапатталған мамандардың атынан сөз алған аудандық аумақтық инспекция басшысы Дәурен Жақсығали рақметін айтып, өз лебізін білдірді.
Осы саланың дамуына үлес қосып келе жатқан әріптестерімнің атынан шынайы алғысымды білдіремін. Біз бұл салада жылдар бойы еңбек етіп, біліміміз бен тәжірибемізді жас мамандарға үйретіп келеміз. Осындай елеулі күні еңбегіміздің еленіп, марапатқа ие болу үлкен құрмет, — деді ол.

Ұқсас ақпараттар

Енді оқушылар лицей, гимназияда оқу үшін емтихан тапсырмайды

admin_mugalzhar

Облыс әкімі еңбек ардагерлері мен ғасыр жасаған қарияларды Алғыс айту күнімен құттықтады

admin_mugalzhar

Мемлекет басшысы Қасым-Жомарт Тоқаевтың мәлімдемесі

admin_mugalzhar

ПІКІР ҚАЛДЫРУ

Этот сайт использует Akismet для борьбы со спамом. Узнайте, как обрабатываются ваши данные комментариев.