Ресейде қар мен жауыннан мыңдаған адам жарықсыз қалды

0
332

Ресейдің Приморье өлкесінде жауған қар аралас жаңбырдан Владивосток қаласында мыңдаған адам жарықсыз қалып отыр, деп хабарлайды «Хабар 24».

Қолайсыз ауа райынан, әсіресе, Первомайский ауданы көп зардап шегуде. Екі күнге жалғасқан жауыннан көшелер көктайғаққа айналған. Аймақта төтенше жағдай енгізіліп, мектептер жабылды. Әуежайлар мен темір жолдарды қалпына келтіру жұмыстары жүріп жатыр. Халықты ауыз су және ыстық тамақпен қамтамасыз ету үшін арнайы орындар ашылған. Жергілікті билік аймақта мұндай ауа райы соңғы 30 жылда болмағанын айтады.