Аудандық мәдениет үйінде аудан әкімдігінің ұсынысы бойынша «Парасат» ақпараттық оңалту орталығының сценариі негізінде жастардың діни сауаттылығын арттыру, дәстүрлі рухани-имандылық діни құндылықтармен қатар ұлттық салт-дәстүрімізді насихаттау мақсатында «Ақыл ағадан» атты қойылым өтті.
Қойылым бүгінгі күні әлем бойынша өткір мәселеге айналып отырған діни радикалды топтарға қарсы күреске бағытталған.
Спектакльдің айтпағы — жастар болсын, үлкендер болсын, халқымыздың дәстүрлі діни ұстанымдарынан ауытқытатын жат ағымдарға бой алдырмаса екен, азғырушы топтардың арбауына түспесе екен деп сақтандыру. Қойылым үлкенге де, кішіге де ой саларлық.
Дәстүрлі дінмен ұлттық құндылықтарымызды насихаттау мақсатында аудандық мәдениет үйінің қызметкерлері дайындаған қойылымның берері мол.