Аудандық төтенше жағдайлар бөліміне 24 ақпанда сағат 02:20 шамасында Құмжарған ауылдық округіне қарасты Бірлік ауылы маңында қар құрсауында жеңіл автокөлік тұрып қалғаны туралы хабар түскен.
Оқиға орнына Ембі қаласының өрт сөндіру бекеті қызметкерлері жедел түрде аттанып, Л-200 автокөлігімен 3 адамнан құралған жеке құрам барған. Қар құрсауында қалған жолаушы өзінің тұрған жерін карта арқылы (геолокация) жолдап, көліктің Ембі қаласынан шамамен 55–60 шақырым қашықтықта екені анықталды. Оқиға орнына жеткен құтқарушылар «Subaru Forester» автокөлігінің қалың қарға батып қалғанын анықтады. Құтқару жұмыстарының нәтижесінде көлік қар құрсауынан шығарылып, әрі қарай жолын жалғастырды. Зардап шеккендер жоқ.
А.ДАРХАНҚЫЗЫ
ҚАР ҚҰРСАУЫНДА ҚАЛҒАН КӨЛІК ҚҰТҚАРЫЛДЫ
